ԿԱՊԱՆ, 23 ՀՈԿՏԵՄԲԵՐԻ, ՆՈՅՅԱՆ ՏԱՊԱՆ: Եռօրյա աշխատանքային
այցով Սյունիքի մարզում է գտնվում Հայաստանում Ռուսաստանի արտակարգ
ու լիազոր դեսպան Նիկոլայ Պավլովը` դեսպանության մի խումբ
աշխատակիցների հետ: Հոկտեմբերի 23-ին նրանք հանդիպում ունեցան
Սյունիքի մարզպետ Սուրիկ Խաչատրյանի հետ:
Դեսպանի հետ հանդիպմանը Կապանում գործող «Ռոսիյանե» ՀԿ-ի
ներկայացուցիչները նշեցին, որ իրենց նկատմամբ որեւէ խտրականություն
չի ցուցաբերվում, եւ ցանկացած հարցում իրանք ապավինում են մարզային
ու տեղական իշխանություններին, լրատվամիջոցներին, ովքեր էլ իրենց
հերթին ամեն ինչով աջակցում են կազմակերպությանը: Հանդիպմանը
առաջարկվեց հնարավորության դեպքում նպաստել ռուսական դպրոցների
վերաբացման աշխատանքներին, թեեւ Կապանում կան դպրոցներ` ռուսաց
լեզվի խորացված ուսուցմամբ դասարաններով:
Ն.Պավլովը նշեց, որ Սյունիքի մարզ այցելության հիմնական
նպատակը մարզային ու տեղական իշխանության ներկայացուցիչների հետ
ծանոթանալն է, տեղում մարզի ներուժի ու արտադրական
հնարավորությունների դիտարկումը:
Դեսպանն ու նրան ուղեկցող անձինք Կապանում եղան Բաղաբուրջի
հուշահամալիրում, ծաղկեպսակներ դրեցին Երկրաշարժի զոհերի հիշատակը
հավերժացնող հուշարձանին: Այնուհետեւ նրանք այցելեցին զոհված
ազատամարտիկների հուշահամալիր, ծաղիկներ դրեցին հող հայրենիի համար
նահատակվածների տապանաքարերին, ինչպես նաեւ Հայրենականի պանտերազմի
տարիներին զոհվածների հուշարձանին: Հոկտեմբերի 24-ին նրանք
կայցելեն Մեղրիի: