ԵՐԵՎԱՆ, 20 ՀՈԿՏԵՄԲԵՐԻ, ՆՈՅՅԱՆ ՏԱՊԱՆ: Մայիսին աղետի ենթարկված Երեւան-Սոչի չվերթն իրականացնող Ա-320 ինքնաթիռի կործանման պատճառների վերաբերյալ Միջազգային ավիացիոն կազմակերպության (ՄԱԿ) վերջնական եզրակացությունը դեռեւս պատրաստ չէ: Ինչպես «ՆՈՅՅԱՆ ՏԱՊԱՆ»-ի թղթակցին հայտնեց ՀՀ Քաղավիացիայի գլխավոր վարչության մամլո քարտուղար Գայանե Դավթյանը, այդ եզրակացության ներկայացման կոնկրետ ժամկետներ սահմանված չեն: Ըստ նրա, ՔԱԳՎ-ի հանձնախմբի դիտողությունները փաստաթղթի տեսքով կցվել են ՄԱԿ-ի նախնական եզրակացությանը:

---