ՇԱԽՄԱՏԻ ԱՇԽԱՐՀԻ ԱՌԱՋՆՈՒԹՅԱՆ ՀԵՐԹԱԿԱՆ ՓՈՒԼՈՒՄ ԱՐՄԱՆ
ՓԱՇԻԿՅԱՆՆ ՈՒ ԶԱՎԵՆ ԱՆԴՐԻԱՍՅԱՆԸ ՀԱՂԹԱՆԱԿ ՏԱՐԱՆ
12-10-2006 16:37:00 | Հայաստան | Սպորտ
ԵՐԵՎԱՆ, 12 ՀՈԿՏԵՄԲԵՐԻ, ՆՈՅՅԱՆ ՏԱՊԱՆ: Հոկտեմբերի 11-ին
խաղարկվեց Երեւանում անցկացվող մինչեւ 20 տարեկան շախմատիստների
աշխարհի առաջնության 8-րդ փուլը:
Արման Փաշիկյանը հաղթեց հնդկաստանը ներկայացնող Դիպանին եւ 6
միավորով 5 շախմատիստների հետ բաժանում է 2-6-րդ տեղերը: Զավեն
Անդրիասյանը առավելության հասավ Ռուսաստանի պատվիրակ Ռոման
Նեչեպուրենկոյի նկատմամբ եւ 5,5 միավորով մի խումբ շախմատիստների
հետ զբաղեցնում է աղյուսակի 7-14 հորիզոնականները: Իսկ առաջատարը
Յուրի Կրիվորուչկոն է (Ուկրաինա), որն ունի 6,5 միավոր:
Աղջիկների պայքարում 6,5-ական միավորով առաջատարներ են Սաչդե
Սանիյան (Հնդկաստան) եւ Սալոմե Մելիան (Վրաստան): 7 մասնակիցներ,
նրանց թվում ԱՄՆ-ը ներկայացնող Տաթեւ Աբրահամյանը 5,5-ական
միավորով բաժանում են 3-9-րդ տեղերը: Սիրանուշ Անդրիասյանը ունի 5
միավոր եւ բաժանում է 10-14-րդ տեղերը: