ՄՈՍԿՎԱՅԻ ՄԻԼԻՑԻԱՆ ՈՒԺԵՂԱՑՐԵԼ Է ԱԴՐԲԵՋԱՆԻ ԵՎ ՀԱՅԱՍՏԱՆԻ
ՔԱՂԱՔԱՑԻՆԵՐԻ ՍՏՈՒԳՈՒՄԸ
11-10-2006 15:31:00 | Ռուսաստան | Միջազգային
ՄՈՍԿՎԱ, 11 ՀՈԿՏԵՄԲԵՐԻ, ՆՈՅՅԱՆ ՏԱՊԱՆ: Մոսկվայում Վրաստանից
անլեգալ միգրանտների որոնմանը զուգահեռ խստացել են հայերի եւ
ադրբեջանցիների ստուգումները:
Անցած երեքշաբթի մայրաքաղաքի սրճարաններից մեկում իրականացվել
է փաստաթղթերի ստուգում: Ըստ որում, ինչպես պատմել են կատարվածի
ականատեսները, միլիցիոներները հայտարարել են, որ «հրաման են ստացել
Մոսկվայից քշել հայերին եւ ադրբեջանցիներին»:
Միլիցիայի ստուգայցի արդյունքում հատուկ ընդունիչ-բաշխիչ կետ
է ուղարկվել չորս մարդ: Ընդ որում մայրաքաղաքում գրանցվելու
կանոնները ձերբակալվածների կողմից լրիվ պահպանված էին:
Հիշեցնենք, որ ուժային կառույցների հատուկ գործողությունները
վրացի անլեգալ միգրանտների նկատմամբ սկսվեցին այն բանից հետո, երբ
Վրաստանում լրտեսության մեղադրանքով ձերբակալվեցին չորս ռուս
զինծառայողներ: Հոկտեմբերի 2-ին Մոսկվան հաստատել է Վրաստանի
տրանսպորտային շրջափակում եւ խստացրել է Ռուսաստանում գտնվող
վրացիների եւ նրանց գործունեության վերահսկողությունը: Հոկտեմբերի
5-ից ռուսական տարածքից արտաքսվել են արդեն Վրաստանի գրեթե 400
քաղաքացիներ,- հաղորդում է «Լենտա.ռուն»` վկայակոչելով «Էխո
Մոսկվիին»: