ՄՏՍ-Ը ԱՍԵԿՈՍԵՆԵՐ Է ՀԱՄԱՐՈՒՄ ԱՐԱԲԱԿԱՆ ԿՈՆՍՈՐՑԻՈՒՄԻ ԿՈՂՄԻՑ
«ԱՐՄԵՆՏԵԼԻ» ՁԵՌՔ ԲԵՐՄԱՆ ՄԱՍԻՆ ՀԱՂՈՐԴՈՒՄՆԵՐԸ
10-10-2006 19:51:00 | Ռուսաստան | Միջազգային
ՄՈՍԿՎԱ, 10 ՀՈԿՏԵՄԲԵՐԻ, ՆՈՅՅԱՆ ՏԱՊԱՆ: Ռուսական ՄՏՍ
ընկերությունը համոզված է, որ հաղթել է հունական ՕՏԵ ընկերությանը
պատկանող «ԱրմենՏել» ընկերության բաժնետոմսերի 90%-ը ձեռք բերելու
հայտամրցույթում: Հայտամրցույթի արդյունքները, ՄՏՍ-ի ներկայացուցչի
կարծիքով, հայտնի կդառնան մինչեւ շաբաթվա վերջ: «Փորձագետների
համոզվածությունը, որ ՄՏՍ-ը կհաղթի հայտամրցույթում, հիմնված է այն
փաստի վրա, որ ընկերությունը ռուսական բջջային շուկայի առաջատարն
է, այսինքն բավականին շանսեր ունի հաղթանակի համար: Հենց այդ
պատճառով էլ մենք մասնակցում ենք հայտամրցույթին»,- «Ազատություն»
ռադիոկայանին հայտարարել է ՄՏՍ ընկերության մամուլի քարտուղար
Կիրիլ Ալյավդինը: Նա «ասեկոսեներ» է որակել որոշ ԶԼՄ-ների տարածած
այն տեղեկությունը, որ «ԱրմենՏելի» նոր սեփականատեր է դարձել
արաբական կոնսորցիումը: Հայտամրցույթի կազմակերպիչները նրա
արդյունքների մասին կհայտարարեն շաբաթվա վերջին»,- հավաստիացրել է
Ալյավդինը: