ԳՐԱԴԱՐԱՆԱՎԱՐԻ ՕՐՎԱ ԿԱՊԱԿՑՈՒԹՅԱՄԲ ՀԱՆՐԱՊԵՏՈՒԹՅԱՆ 35
ԳՐԱԴԱՐԱՆԱՎԱՐՆԵՐԻ ՀԱՆՁՆՎԵՑԻՆ ՀՀ ՄՇԱԿՈՒՅԹԻ ՆԱԽԱՐԱՐՈՒԹՅԱՆ
ՊԱՐԳԵՎՆԵՐԻ
10-10-2006 19:00:00 | Հայաստան | Հասարակություն
ԵՐԵՎԱՆ, 10 ՀՈԿՏԵՄԲԵՐԻ, ՆՈՅՅԱՆ ՏԱՊԱՆ: Հայաստանում երրորդ
տարին պաշտոնապես նշվող Գրադարանավարի օրվա կապակցությամբ
հանրապետության 35 գրադարանավարների հոկտեմբերի 10-ին հանձնվեցին
ՀՀ Մշակույթի եւ երիտասարդության հարցերի նախարարության պարգեւներ:
Երեւանի ԽՆկո Ապոր անվան մանկական գրադարանի գրադարանավարուհի
Մարինա Կոշկակարյանը, Սուսաննա Մինասյանը (Սյունքի մարզ), Ֆաթմա
Խաչատրյանը (Ազգային ժողովի տեղեկատվական վարչության գրադարանային
բաժին) եւ Գասպար Գրիգորյանը (Արագածոտնի մարզ) պարգեւատրվեցին
նախարարության ոսկե մեդալներով: Հանրապետության 12 գրադարանավարներ
ստացան նախարարության պատվոգրեր, իսկ 19-ը` շնորհակալագրեր:
Մշակույթի նախարար Հասմիկ Պողոսյանը նշեց, որ ամեն ինչ պետք է
արվի, որպեսզի աստիճանաբար մեծանա գրադարանների դերն ու
նշանակությունը, ինչպես նաեւ դրանց գործառույթների շրջանակները:
«Չնայած գրադարանների վիճակը այնքան էլ լավ չէ, սակայն հուսով եմ,
որ տարեցտարի այդ ոլորտն էլ կզարգանա եւ հետագայում կլուծվեն բոլոր
խնդիրները»,- նշեց նախարարը: