ԱԴՐԲԵՋԱՆԸ ՉԻ ԱՎԵԼԱՑՆԻ ԴԵՊԻ ՄՈՍԿՎԱ ԵՎ ԹԲԻԼԻՍԻ ԱՎԻԱՉՎԵՐԹՆԵՐԻ
ՔԱՆԱԿԸ
05-10-2006 19:19:00 | Ադրբեջան | Միջազգային
ԲԱՔՈՒ, 5 ՀՈԿՏԵՄԲԵՐԻ, ՆՈՅՅԱՆ ՏԱՊԱՆ: «Ադրբեջանական
ավիաուղիներ» պետկոնցեռնը չի պատրաստվում մեծացնել դեպի Մոսկվա եւ
Թբիլիսի չվերթների քանակը Վրաստանի եւ Ռուսաստանի միջեւ օդային
հաղորդակցության դադարեցման կապակցությամբ,- լրագրողներին Բաքվում
հայտնել է պետկոնցեռնի նախագահի առաջին տեղակալ Սաբիր Իլյասովը,
հաղորդում է «Ռեգնում» գործակալությունը:
«Տվյալ պահին Մոսկվայի եւ Թբիլիսիի չվերթները լրիվ բեռնված
չեն, եւ առայժմ անհրաժեշտություն չկա մեծացնելու չվերթների քանակը:
Դեռեւս մենք չենք նկատում Մոսկվայից Բաքու ուղեւորահոսքի կտրուկ
աճ»,- ասել է Իլյասովը: Պետկոնցեռնի տվյալների համաձայն,
ներկայումս «Ադրբեջանական ավիաուղիները» օրական իրականացնում են
երկու չվերթ Բաքու-Մոսկվա-Բաքու երթուղով եւ մեկ`
Բաքու-Թբիլիսի-Բաքու երթուղով: