ԱԴՐԲԵՋԱՆԻ ԱԳՆ. ԵԱՀԿ ՓՈՐՁԱԳԻՏԱԿԱՆ ԽՈՒՄԲԸ ՃԱՆԱՊԱՐՀՎԵԼ Է
ԼԵՌՆԱՅԻՆ ՂԱՐԱԲԱՂԻ ՇՐՋԱԿԱ ՏԱՐԱԾՔՆԵՐԻ ՀՐԴԵՀՆԵՐԻ ՎԱՅՐԵՐ
04-10-2006 19:11:00 | Ադրբեջան | Միջազգային
ԲԱՔՈՒ, 4 ՀՈԿՏԵՄԲԵՐԻ, ՆՈՅՅԱՆ ՏԱՊԱՆ: ԵԱՀԿ միջազգային
փորձագիտական խումբը, որը հետաքննելու է հրդեհների փաստերը
Ղարաբաղի շրջակա տարածքներում, ճանապարհվել է այն տարածքներ, ուր
տեղի են ունեցել հրդեհումներ: Այս մասին հայտնել է Ադրբեջանի ԱԳՆ
մամուլի քարտուղար Մեթին Միրզան:
Նա նշել է, որ խումբը այդ տարածքներում կգտնվի մոտ երկու
շաբաթ: Տվյալ պահին փորձագիտական խմբի խնդիրն է գնահատել հրդեհների
պատճառած վնասը եւ իրականացնել էկոլոգիական գործողություններ, որից
հետո կպատրաստվի հաշվետվություն:
Տասը միջազգային փորձագետներից կազմված խումբը գլխավորում է
ԵԱՀԿ տնտեսական եւ էկոլոգիական գործունեության հարցերը
կոորդինացնող Բեռնարդ Սնոուն:
Երեկ առաքելությունը բանակցություններ է վարել Ադրբեջանի
ԱԳՆ-ում: Ադրբեջանական կողմից հանդիպմանը նաեւ մասնակցել են այլ
նախարարությունների ներկայացուցիչներ եւ հաստատվել է առաքելության
մանդատը,- հաղորդում է «Թրենդը»: