ԲԱՔՈՒ, 4 ՀՈԿՏԵՄԲԵՐԻ, ՆՈՅՅԱՆ ՏԱՊԱՆ: ՆԱՏՕ-ի Խորհրդարանական
վեհաժողովի պատվիրակությունը նոյեմբերի 15-17-ը կայցելի Ադրբեջան:
Ինչպես հաղորդում է «Դեյ.ազը», այս մասին լրագրողներին
հայտնել է Միլի մեջլիսի առաջին փոխխոսնակ Զիյաֆետ Ասկերովը:
Պատվիրակությունը գլխավորում է Խորհրդարանական վեհաժողովի
անվտանգության կոմիտեի նախագահ, Մեծ Բրիտանիայի ներկայացուցիչ
Ֆրենկ Կուկը:
Այցը կապված է Հարավային Կովկասի իրադրության վերաբերյալ
զեկույցի պատրաստման հետ: Այցի ընթացքում ՆԱՏՕ-ի խորհրդարանական
պատվիրակության անդամները հանդիպումներ կունենան Միլի մեջլիսի եւ
երկրի քաղաքական ղեկավարության հետ: