ԱԴՐԲԵՋԱՆԱԿԱՆ «ՄՈՆԻՏՈՐ» ՀԱՆԴԵՍԻ ԳԼԽԱՎՈՐ ԽՄԲԱԳՐԻ ՍՊԱՆՈՒԹՅԱՆ
ԿԱՍԿԱԾԱՆՔՈՎ ՀԵՏԱԽՈՒԶՎՈՒՄ ԵՆ ՎՐԱՍՏԱՆԻ 2 ՔԱՂԱՔԱՑԻՆԵՐ
02-10-2006 16:56:00 | Ադրբեջան | Միջազգային
ԲԱՔՈՒ, 2 ՀՈԿՏԵՄԲԵՐԻ, ՆՈՅՅԱՆ ՏԱՊԱՆ: Վրաստանի քաղաքացիներ
Թեյմուրազ Ալիեւը եւ Թայիր Խուբանովը, որոնք մեղադրվում են
«Մոնիտոր» ամսագրի գլխավոր խմբագիր Էլմար Հուսեյնովի սպանության
մեջ, դեռեւս գտնվում են հետախուզման մեջ: Էմ Փի Էյ-ի
տեղեկություններով, այս մասին լրագրողներին հայտնել է Ադրբեջանի
գլխավոր դատախազ Զաքիր Գարալովը: Ըստ նրա, որոշ ԶԼՄ-ներ շտապել են
հայտարարելով, որ Գարալովը անելանելի վիճակի մեջ է հայտնվել այն
բանից հետո, երբ դատարանում ՆԳՆ քրեական հետախուզության գլխավոր
վարչության նախկին ավագ օպերլիազորը ցուցմունք է տվել, որ Ֆարհադ
Ալիեւի պատվերով նա եւ իր բանդան սպանել են Հուսեյնովին:
«Հայտարարում եմ, որ Խուբանովի եւ Ալիեւի մասնակցությունը
հաստատված է միջազգային փորձագետների նյութերով: Ես դեռ չեմ կարող
խոսել այդ մասին, բայց այն բանից հետո, երբ իմ տրամադրության տակ
կլինեն որոշակի արդյունքներ եւ քննության զեկույցները, ես ամեն ինչ
կհայտնեմ»,- նկատել է գլխավոր դատախազը: