ՀԱՊԿ ԵՐԿՐՆԵՐԸ ՎՐԱՍՏԱՆԻՆ ՀՈՐԴՈՐԵԼ ԵՆ ԱՆՀԱՊԱՂ ԱԶԱՏ ԱՐՁԱԿԵԼ
ՌՈՒՍ ԶԻՆՎՈՐԱԿԱՆՆԵՐԻՆ
29-09-2006 20:06:00 | Ռուսաստան | Միջազգային
ՄՈՍԿՎԱ, 29 ՍԵՊՏԵՄԲԵՐԻ, ՆՈՅՅԱՆ ՏԱՊԱՆ: Հավաքական
անվտանգության պայմանագրի կազմակերպության երկրները Վրաստանի
ղեկավարությանը կոչ են անում անհապաղ ազատել Վրաստանում
ձերբակալված ռուս զինծառայողներին: Ինչպես նշվում է ՀԱՊԿ
քարտուղարության հաղորդման մեջ, «սրված իրավիճի կապակցությամբ, որ
կարող է հանգեցնել անկանխատեսելի հետեւանքների», իրենց
մտահոգությունն են արտահայտել կազմակերպության լիազոր
ներկայացուցիչները խորհրդատվությունների արդյունքում: Նրանք
«վրացական կողմին կոչ են արել կշռադատված մոտեցման ստեղծված
խնդիրների լուծման գործում եւ արտահայտվել Վրաստանում ձերբակալված
ռուս զինծառայողների անհապաղ ազատ արձակման օգտին»:
ՀԱՊԿ կազմի մեջ մտնում են այնպիսի երկրներ, ինչպիսին են
Հայաստանը, Բելոռուսիան, Ղազախստանը, Ղրղզստանը, Ռուսաստանը,
Տաջիկստանը եւ Ուզբեկստանը: