«ՇՈՒՇԻ» ԲԱՐԵԳՈՐԾԱԿԱՆ ՀԻՄՆԱԴՐԱՄԻ ԻՆՏԵՐՆԵՏԱՅԻՆ ԿԱՅՔՈՒՄ ԲԱՑՎԵԼ
Է ԷԼԵԿՏՐՈՆԱՅԻՆ «ՇՈՒՇԻ» ԳԻՏԱ-ՄԱՍՍԱՅԱԿԱՆ ՀԱՆԴԵՍԸ
30-08-2006 17:15:00 | Հայաստան | Հասարակություն
ԵՐԵՎԱՆ, 30 ՕԳՈՍՏՈՍԻ, ՆՈՅՅԱՆ ՏԱՊԱՆ: «Շուշի» բարեգործական
հիմնադրամի ինտերենետային կայքում (www.shoushi.am) բացվել է
էլեկտրոնային «Շուշի» գիտա-մասսայական հանդեսը, որը գործում է
օնլայն ռեժիմով: Հանդեսի նպատակն է արխիվային վավերագրերի,
հնագույն աղբյուրների օգտագործմամբ ներկայացնել Արցախի
պատմությունը, մշակույթը, ԼՂՀ-ի շուրջ տեղի ունեցող քաղաքական,
տնտեսական զարգացումները եւ այլն:
Ըստ հանդեսի գլխավոր խմբագիր, գրող-հրապարակախոս Բակուր
Կարապետյանի, հանդեսի նապատակներից մեկն է նպաստել տարածաշրջանում
ապրող ժողովուրդների փոխըմբռնմանն ու հաշտեցմանը, խաղաղության
հաստատմանը, ժողովրդավարության արմատավորմանը:
Հանդեսը բացվում է հիմնադրամի «Շուշի բերդաքաղաքի եւ նրա
շրջակայքի մշակութային ժառանգության, քաղաքի զարգացման
ուսումնասիրման» համալիր ծրագրով Ստեփանակերտում հուլիսին կայացած
գիտաժողովի նյութերով: «Շուշի» գիտա-մասսայական հանդեսը պատրաստ է
հրապարակել նաեւ օտարազգի, այդ թվում` ադրբեջանցի կամ թուրք
հեղինակների, նյութերը, եթե դրանք նպատակաուղղված չեն
ժողովուրդների միջեւ թշնամանք սերմանելուն:
Նշենք, որ ընթերցողները հանդեսից կարող են օգտվել նաեւ www.
journal.shoushi.am հասցեով: