ՀԱՅԱՍՏԱՆԻ ԵՎ ՌՈՒՍԱՍՏԱՆԻ ԱԳ ՓՈԽՆԱԽԱՐԱՐՆԵՐԸ ՔՆՆԱՐԿԵԼ ԵՆ
ԵՐԿԿՈՂՄ ՀԱՐԱԲԵՐՈՒԹՅՈՒՆՆԵՐԻ ՀՐԱՏԱՊ ՀԱՐՑԵՐ
30-06-2006 15:55:00 | Ռուսաստան | Միջազգային
ՄՈՍԿՎԱ, 30 ՀՈՒՆԻՍԻ, ՆՈՅՅԱՆ ՏԱՊԱՆ: ՌԴ արտաքին գործերի
նախարարի տեղակալ-պետքարտուղար Գրիգորի Կարասինը կոնսուլտացիաներ է
վարել Հայաստանի արտաքին գործերի նախարարի տեղակալ Գեղամ
Ղարիբջանյանի հետ: Զրույցի ընթացքում քննարկվել են երկկողմ
հարաբերությունների, ԱՊՀ-ում Ռուսաստանի եւ Հայաստանի
փոխգործակցության հրատապ հարցեր, տարածաշրջանային խնդիրներ:
Կողմերն ընդգծել են հետխորհրդային տարածքում ինտեգրացիոն
գործընթացների զարգացման, ԱՊՀ բարենորոգման եւ ՀԱՊԿ ամրապնդման
կարեւորագույն արտաքին քաղաքական խնդիրների լուծման գործում
կոորդինացված ջանքերի գործադրման կարեւորությունը: Հայաստանի ԱԳՆ
ղեկավարության անունից Գեղամ Ղարիբջանյանը ցավակցություն է հայտնել
Իրաքում Ռուսաստանի դեսպանության աշխատակիցների ողբերգական մահվան
կապակցությամբ, հաղորդում է ՌԴ ԱԳՆ մամլո ծառայությունը: