Բրազիլիայի նախագահ Դիլմա Ռուսեֆի առաջարկությամբ ֆուտբոլի արքա Պելեն նշանակվել է 2014թ.-ին կայանալիք ֆուտբոլի աշխարհի առաջնության պատվավոր դեսպան:Այս մասին հայտնում է Gazeta Esportiva-ն։ «Ես պաշտպանում եմ Բրազիլիայի հավաքականի գույները դեռ այն օրվանից, երբ սկսեցի հանդես գալ աշխարհի առաջնությունում: Ինձ համար մեծ պատիվ է կատարել այս գործը եւ ես մեծ պատասխանատվությամբ կշարունակեմ այն: Չգիտեմ, թե ինչպես կարող էի հրաժարվել այս առաջարկից: Բայց ամեն դեպքում մինչեւ նախագահի հետ զրույցը կասկածներ ունեի»,- հայտարարել է Պելեն:

---