ԹՈՒՐԻՆԻ ՕԼԻՄՊԻԱԴԱՅԻ 3-ՐԴ ՏՈՒՐՈՒՄ ՀԱՅ ՇԱԽՄԱՏԻՍՏՆԵՐԻ ԹԻՄԵՐԸ
ՀԱՂԹԵՑԻՆ ԻՐԵՆՑ ՄՐՑԱԿԻՑՆԵՐԻՆ
24-05-2006 19:05:00 | Իտալիա | Սպորտ
ԹՈՒՐԻՆ, 24 ՄԱՅԻՍԻ, ՆՈՅՅԱՆ ՏԱՊԱՆ: Թուրինում ընթացող շախմատի
37-րդ համաշխարհային օլիմպիադայի 3-րդ տուրում Հայաստանի
հավաքականները հաղթանակներ տարան:
Տղամարդկանց թիմը 3:1 հաշվով պարտության մատնեց Դանիայի
հավաքականին: Իրենց պարտիաները շահեցին Լւեոն Արոնյանը եւ Վլադիմիր
Հակոբյանը, իսկ Գաբրիել Սարգսյանն ու Արտաշես Մինասյանը ոչ-ոքի
խաղացին: Այս հաղթանակից հետո Հայաստանի հավաքականը 12 հնարավորից
վաստակել է 9,5 միավոր եւ բաժանում է 7-12 րդ տեղերը: Առջեւում են
Ռուսաստանի, Ուզբեկստանի եւ Չինաստանի թիմերը, որոնք 10,5-ական
միավոր ունեն:
Հայաստանի կանանց հավաքականը 2:1 հաշվով հաղթեց Մեքսիկայի
հավաքականին: Լիլիթ Մկրտչյանն ու Էլինա Դանիելյանը հաղթանակներ
տարան, իսկ Նելլի Աղինյանը պարտություն կրեց: Հայաստանի
շախմատիստուհիները 9 հնարավորից 6,5 միավոր են վաստակել եւ
բաժանում են 12-21-րդ տեղերը: Կանանց մրցապայքարը գլխավորում են
Լիտվայի, Ռուսաստանի եւ Չինաստանի հավաքականները:
Մայիսի 24-ին կայանալիք 4-րդ տուրում Հայաստանի տղամարդիկ
կմրցեն Նորվեգիայի, իսկ կանայք` Էկվադորի շախմատիստների հետ: