ԵՐԵՎԱՆ, 27 ՓԵՏՐՎԱՐԻ, ՆՈՅՅԱՆ ՏԱՊԱՆ: Ֆուտբոլի Հայաստանի ազգային հավաքականը փետրվարի 26-ին մեկնեց Կիպրոս, որտեղ կմասնակցի ավանդական, թվով 10-րդ, միջազգային մրցաշարին: Մասնակից թիմերը 8-ն են, որոնք բաժանվել են 2 խմբերի: 1-ին խմբում հանդես կգան Հունաստանի, Ֆինլանդիայի, Բելառուսի եւ Ղազախստանի, 2-րդում` Կիպրոսի, Ռումինիայի, Սլովենիայի եւ Հայաստանի հավաքականները: Թիմերն ընդամենը 2-ական խաղ կանցկացնեն: Հայաստանի հավաքականը փետրվարի 28-ին կմրցի Ռումինիայի հավաքականի հետ, իսկ մարտի 1-ին, կախված 1-ին խաղի արդյունքից, Կիպրոս-Սլովենիա զույգի հաղթողի կամ պարտվողի հետ: Հայաստանի հավաքականի գլխավոր մարզիչ, հոլանդացի Հենկ Վիսմանը թիմում ընդգրկել է Հայաստանում եւ արտերկրում հանդես եկող 20 ֆուտբոլիստների:

---