ԹՈՒՐՔԻԱՅՈՒՄ ԱՆՑԿԱՑՎԱԾ ՈՒՍԱՆՈՂԱԿԱՆ ԽԱՂԵՐՈՒՄ ՀԱՅ ՄԱՐԶԻԿՆԵՐԸ 5
ՄԵԴԱԼ ՆՎԱՃԵՑԻՆ
22-08-2005 20:38:00 | Հայաստան | Սպորտ
ԻԶՄԻՐ, 22 ՕԳՈՍՏՈՍԻ, ՆՈՅՅԱՆ ՏԱՊԱՆ: Թուրքիայի Իզմիր քաղաքում
անցկացված համաշխարհային ուսանողական խաղերին մասնակցեցին նաեւ
Հայաստանը ներկայացնող 21 մարզիկներ, որոնցից 5-ը դարձան խաղերի
մրցանակակիրներ:
Առավել հաջող հանդես եկավ ազատ ոճի ըմբիշ Վահան Սիմոնյանը:
Մրցելով 55 կգ քաշային կարգում` նա մի քանի հաղթանակ տարավ, միայն
եզրափակիչ գոտեմարտում պարտություն կրեց եւ գրավեց երկրորդ տեղը:
Վ.Սիմոնյանը պարգեւատրվեց ուսանողական խաղերի փոխչեմպիոնի արծաթե
մեդալով: Հունահռոմեական ոճի ըմբիշներ Վահրամ Գալստյանը (84 կգ
քաշային կարգ), Էդգար Բաբայանը (74 կգ), Ռոբերտ Պետրոսյանը (96 կգ)
եւ թեկվանդոյիստ Արման Երեմյանը (74 կգ) իրենց քաշային կարգերում
գրավեցին 3-րդ տեղերը եւ արժանացան բրոնզե մեդալների: