ՎԵՏԵՐԱՆՆԵՐԻ ՄՐՑԱՊԱՅՔԱՐԸ ԳԼԽԱՎՈՐՈՒՄ ԵՆ ԵՐԿՈՒ ՇԱԽՄԱՏԻՍՏՆԵՐ
15-08-2005 20:36:00 | Հայաստան | Սպորտ
ԵՐԵՎԱՆ, 15 ՕԳՈՍՏՈՍԻ, ՆՈՅՅԱՆ ՏԱՊԱՆ: Վետերան շախմատիստների
Հայաստանի առաջնությունում 6 տուր է անցկացվել: Մրցապայքարը
գլխավորում են 2 մասնակիցներ` միջազգային վարպետ Էդուարդ
Մնացականյանը եւ սպորտի վարպետ Գագիկ Հակոբյանը, որոնք 5-ական
միավոր են վաստակել: 4,5-ական միավորով 3-5-րդ տեղերը բաժանում են
վարպետության թեկնածուներ Ադոլֆ Դեմիրխանյանը, Ալբերտ
Հարությունովը եւ Մուրադ Վարժապետյանը:
32 շախմատիստների մասնակությամբ անցկացվող առաջնության
ավարտին մնացել է 3 տուր: Հերթական` 7-րդ, տուրի հանդիպումները
կկայանան օգոստոսի 16-ին: