ԼԻԼԻԹ ՄԿՐՏՉՅԱՆԸ ԵՎ ԷԼԻՆԱ ԴԱՆԻԵԼՅԱՆԸ ԵՏ ԵՆ ՄՆՈՒՄ
ԱՌԱՋԱՏԱՐՆԵՐԻՑ
20-06-2005 19:42:00 | Հայաստան | Սպորտ
ՔԻՇՆԵՎ, 20 ՀՈՒՆԻՍԻ, ՆՈՅՅԱՆ ՏԱՊԱՆ: Քիշնեւում ընթացող շախմատի
Եվրոպայի կանանց առաջնությունում 8 տուրից միանձնյա առաջատարը
ռուսաստանցի Ելենա Զայացն է, որը 6,5 միավոր է վաստակել: 6
շախմատիստուհիներ 6 միավորով բաժանում են 2-7-րդ տեղերը: Այս խմբից
մի փոքր են ետ մնում հայաստանցի 2 գրոսմայստերներ Լիլիթ Մկրտչյանը
եւ Էլինա Դանիելյանը: Նրանք վաստակել են 5,5-ական միավոր եւ այժմ
բաժանում են 8-29-րդ տեղերը: Հայաստանի մյուս 2 ներկայացուցիչները`
միջազգային վարպետներ Սիրանուշ Անդրեասյանը եւ Լիլիթ Գալոյանը,
4-ական միավորով տեղեր են զբաղեցնում մրցաշարային աղյուսակի միջին
մասերում: