ԵՐԵՎԱՆ, 23 ՄԱՅԻՍԻ, ՆՈՅՅԱՆ ՏԱՊԱՆ: Երեւանի Կարեն Դեմիրճյանի անվան մարզամշակութային համալիրում անցկացվեց հունահռոմեական ոճի ըմբշամարտի Հայաստանի 2005թ. առաջնությունը: Յոթ քաշային կարգերում հանդես եկան հանրապետության քաղաքներն ու մարզերը ներկայացնող 67 ըմբիշներ: Ըստ քաշային կարգերի Հայաստանի չեմպիոններ դարձան Ասատուր Խաչատրյանը (55 կգ, Գյումրի), Վահան Ջուհարյանը (60 կգ, Գյումրի), Արտակ Հարությունյանը (66 կգ, Երեւան), Վաղինակ Գալստյանը (74 կգ, Երեւան), Արման Գեղամյանը (84 կգ, Գյումրի), Ռոբերտ Պետրոսյանը (96 կգ, Էջմիածին) եւ Սերոբ Մուրադյանը (120 կգ, Էջմիածին):

---