ԼԻՈՆ, 18 ՀՈՒՆՎԱՐԻ, ՆՈՅՅԱՆ ՏԱՊԱՆ: Ֆրանսիայի Լիոն քաղաքում մեկնարկել է գեղասահքի Եվրոպայի առաջնությունը, որին մասնակցում է նաեւ Հայաստանը ներկայացնող Անաստասիա Գրեբյոնկինա-Վազգեն Ազրոյան պարային զույգը: Մրցումների առաջին օրը` հունվարի 17-ին, մասնակիցները հանդես եկան պարտադիր ծրագրով: Գրեբյոնկինան եւ Ազրոյանը շուրջ 30 զույգերի մրցապայքարում գրավեցին 14-րդ տեղը: Հունվարի 18-ին եւ 20-ին Եվրոպայի առաջնությանը մասնակցող պարային զույգերը հանդես կգան կարճ եւ կամավոր ծրագրերով: Ամենայն հավանականությամբ, Հայաստանի գեղասահորդները կկարողանան բարելավել իրենց արդյունքները:

---