ԿԽՄԿ-Ի ԱՆՋԱԿՑՈՒԹՅԱՄԲ ԴԵԿՏԵՄԲԵՐԻ 15-ԻՆ ՀԱՅՐԵՆԱԴԱՐՁՎԵԼ Է
ՀԱՅԱԶԳԻ ՄԻ ԿԻՆ
15-12-2005 16:45:00 | Հայաստան | Հասարակություն
ԵՐԵՎԱՆ, 15 ԴԵԿՏԵՄԲԵՐԻ, ՆՈՅՅԱՆ ՏԱՊԱՆ: Կարմիր Խաչի միջազգային
կոմիտեի (ԿԽՄԿ) հովանավորությամբ դեկտեմբերի 15-ին հայրենադարձվել
է հայազգի մի կին, որն ամսվա սկզբին պատահաբար անցել էր Հայաստանի
տարածքից Ադրբեջան: Ինչպես «ՆՈՅՅԱՆ ՏԱՊԱՆ»-ին հայտնում են ԿԽՄԿ-ի
հայաստանյան գրասենյակից, Ադրբեջանի եւ Հայաստանի իշխանությունների
առաջարկով ԿԽՄԿ-ն, իրականացնելով չեզոք միջնորդի դերը,
հայրենադարձմանը աջակցել է այն բանից հետո, երբ ԿԽՄԿ-ի
պատվիրակները հավաստիացել են, որ այդ կինը հոժար կամքով է հայրենիք
վերադառնում:
Լեռնային Ղարաբաղի հակամարտության հետ կապված իր
գործունեության սկզբից` 1992թ.-ից ի վեր, ԿԽՄԿ-ն օժանդակել է 654
անձանց հայրենադարձմանը եւ տեղափոխությանը: