Աշխատանքը կորցրած ամերիկացին սպանել է իր ընտանիքի
անդամներին եւ անձնասպան եղել
28-01-2009 16:50:00 | ԱՄՆ | Միջազգային
ԼՈՍ ԱՆՋԵԼԵՍ, 28 ՀՈՒՆՎԱՐԻ, ՆՈՅՅԱՆ ՏԱՊԱՆ: Աշխատանքը կորցրած
ԱՄՆ-ի Կալիֆորնիայի նահանգի Ուիլմիգտոն քաղաքի բնակիչը գնդակահարել
է իր կնոջը եւ հինգ երեխաներին, որից հետո ինքնասպան եղել: Այս
մասին հայտնել է Ուիլմինգտոնի ոստիկանապետի տեղակալ Քեննեթ
Գարները:
Սպանվածների մարմինները հայտնաբերել է ոստիկանական պարեկը,
որը ժամանել է հրաձգության մասին հաղորդումը ստուգելու համար:
Տղամարդը հերթով գնդակահարել է կնոջը, 8-ամյա դստերը, 5-ամյա
երկվորյակ դուստրերին եւ երկու տարեկան երկվորյակ որդիներին:
Այնուհետեւ նա կրակել է իր գլխին:
Տղամարդը էլեկտրոնային նամակ է ուղարկել տեղի
հեռուստատեսություն, ուր նշում է, որ պատրաստվում է վերջ տալ իր
ընտանիքի բոլոր անդամներին եւ անձամբ իրեն աշխատանքի հետ կապված
խնդիրների պատճառով: