ՍԱՐԿՈԶԻՆ ՄԻՋՈՒԿԱՅԻՆ ԳՈՐԾԱՐՔՆԵՐ Է ԿՆՔՈՒՄ ԱՐԱԲԱԿԱՆ ԵՐԿՐՆԵՐԻ
ՀԵՏ
15-01-2008 18:00:00 | Ֆրանսիա | Միջազգային
ՓԱՐԻԶ, 15 ՀՈՒՆՎԱՐԻ, ՆՈՅՅԱՆ ՏԱՊԱՆ: Ֆրանսիայի նախագահ Նիկոլա
Սարկոզին մտադիր է Արաբական Միավորված Էմիրություններին առաջարկել
համագործակցություն խաղաղ միջուկային արդյունաբերության զարգացման
ուղղությամբ, հաղորդում է Reuters-ը:
Այս առաջարկը կլինի երկրորդը համագործակցության այն առաջարկից
հետո, որ ֆրանսիացի առաջնորդն արել էր Սաուդյան Արաբիային կիրակի
օրը: Դրանից բացի, ֆրանսիական EDF ընկերությունը նախօրեին հուշագիր
է ստորագրել Քաթարի հետ միջուկային ոլորտի բանակցությունները
շարունակելու վերաբերյալ:
Նիկոլա Սարկոզին, որ մի շարք համաձայնագրեր է կնքել Ալժիրի եւ
Լիբիայի հետ, չի թաքցնում, որ արաբական երկրներին հիմնական
գործընկեր է համարում միջուկային ճյուղի խաղաղ զարգացման գործում: