ՊՐԵՏՈՐԻԱ, 14 ՀՈՒՆՎԱՐԻ, ՆՈՅՅԱՆ ՏԱՊԱՆ: Ինտերպոլի ղեկավար
հարավաֆրիկացի Ջեքի Սելեբին հրաժարական է տվել իր հասցեին
հայրենիքում առաջ քաշվող կոռուպցիայի մեղադրանքների առնչությամբ:
Սելեբին, որը նաեւ Հարավային Աֆրիկայի ոստիկանության ղեկավարն
է, հրաժարականի մասին հայտարարել է Ինտերպոլին հղած նամակում:
Ինչպես ասվում է ուղերձում, պրն. Սելեբին հրաժարականի
որոշումն ընդունել է` ելնելով Ինտերպոլի շահերից եւ միջազգային
իրավապահ համայնքի հանդեպ հարգանքից, որին ծառայում է
կազմակերպությունը:
ՀԱՀ դատական իշխանությունները հանցավոր աշխարհի հետ Սելեբիի
ենթադրվող «կոռուպցիոն կապերի» հետաքննություն են իրականացնում եւ
առաջիկայում նրա նկատմամբ կարող են առաջադրվել կոռուպցիայի եւ
արդարադատության իրականացման համար խոչընդոտներ ստեղծելու
պաշտոնական մեղադրանքներ: