ԱՄՆ-Ը ՊԱՏԺԱՄԻՋՈՑՆԵՐ Է ՍԱՀՄԱՆԵԼ ՍԻՐԻԱԿԱՆ ՀԵՌՈՒՍՏԱԱԼԻՔԻ ԴԵՄ
10-01-2008 21:00:00 | ԱՄՆ | Միջազգային
ՎԱՇԻՆԳՏՈՆ, 10 ՀՈՒՆՎԱՐԻ, ՆՈՅՅԱՆ ՏԱՊԱՆ: Ջորջ Բուշի վարչակազմը
ի դեմս ԱՄՆ-ի ֆինանսների նախարարության հայտարարել է սիրիական
Al-Zawra արբանյակային հեռուստաալիքի եւ նրա սեփականատեր`
Սիրիայում ապրող իրաքյան խորհրդարանի նախկին անդամ, գործարար Միշան
Ալ-Ջաբուրիի դեմ պատժամիջոցներ սահմանելու մասին:
Ինչպես հաղորդում է «Նովոստի» գործակալությունը, սիրիական
հեռուստաալիքի եւ նրա սեփականատիրոջ հետ միասին Իրաքում «բռնության
բորբոքման» եւ ԱՄՆ-ի գլխավորած միջազգային կոալիցիայի զորքերի դեմ
գործունեության համար պատժամիջոցների են ենթարկվել նաեւ Իրանի երեք
քաղաքացիներ` իսլամական հեղափոխության պահապանների կորպուսի
բրիգադի գեներալ Ահմեդ Ֆորուզանդեհը եւ Իրանում ծայրահեղական շիա
խմբավորումների ղեկավարներ Աբու Մուստաֆա Ալ-Շեյբանին եւ Իսմայիլ
Հաֆիզ Ալ-Լամին: