ՊԱՏԵՐԱԶՄԻ ԵՐԵՔ ՏԱՐՈՒՄ ԻՐԱՔՈՒՄ ԶՈՀՎԵԼ Է 150 ՀԱԶԱՐԻՑ ԱՎԵԼԻ
ԽԱՂԱՂ ԲՆԱԿԻՉ
10-01-2008 19:55:00 | Շվեյցարիա | Միջազգային
ԺՆԵՎ, 10 ՀՈՒՆՎԱՐԻ, ՆՈՅՅԱՆ ՏԱՊԱՆ: Առողջապահության
համաշխարհային կազմակերպությունը (ԱՀԿ) հրապարակել է զեկույց,
համաձայն որի, Իրաքի մոտ 151 հազար քաղաքացիներ են զոհվել բռնի
մահով 2003 թվականի մարտից, երբ երկիր ներխուժեցին ԱՄՆ-ի եւ նրա
դաշնակիցների զորքերը, մինչեւ 2006 թվականի հունիս: Այս մասին
հաղորդում է «Նովոստի» գործակալությունը` վկայակոչելով Associated
Press-ին:
Ուսումնասիրությունը, որի ընթացքում հարցվել է 10 հազար
իրաքյան ընտանիք, ԱՀԿ մասնագետներն իրականացրել են Իրաքի
առողջապահության նախարարության աշխատակիցների օգնությամբ:
Փորձագետներն այդ աշխատանքը համարում են գիտականորեն առավել
հիմնավորված բոլոր նրանցից, որ նվիրված են եղել այդ թեմային: