ԻՍԼԱՄԱԲԱԴ, 27 ԴԵԿՏԵՄԲԵՐԻ, ՆՈՅՅԱՆ ՏԱՊԱՆ: Պակիստանի նախկին
վարչապետ, ընդդիմության առաջնորդ Բենազիր Բհուտոն վախճանվել է
վիրահատական սեղանին ծանր վերքերից, որ ստացել էր ահաբեկչական
գործողության ժամանակ ժամանակ, հաղորդում է «Associated Press»
գործակալությունը:
Այս տեղեկատվությունը հաղորդում են նաեւ պակիստանյան մասնավոր
հեռուստաալիքները` վկայակոչելով հոսպիտալի աղբյուրներ:
Դեկտեմբերի 27-ին մահապարտ ահաբեկիչը պայթուցիկ սարքը
գործողության է դրել պակիստանյան Ռավալփինդի քաղաքում ընդդիմության
բազմահազարանոց հանրահավաքի ժամանակ: Ահաբեկության հետեւանքով մոտ
20 մարդ, այդ թվում ոստիկանության մի քանի աշխատակիցներ, զոհվել են
եւ առնվազն 15-ը վիրավորվել: