ՀԻՆԴՈՒԻՍՏՆԵՐԸ ՔՐԻՍՏՈՆԵԱԿԱՆ ՈՒԹ ԵԿԵՂԵՑԻՆԵՐ ԵՆ ՀՐԿԻԶԵԼ
ՀՆԴԿԱՍՏԱՆՈՒՄ
27-12-2007 16:55:00 | Հնդկաստան | Միջազգային
ԴԵԼԻ, 27 ԴԵԿՏԵՄԲԵՐԻ, ՆՈՅՅԱՆ ՏԱՊԱՆ: Հնդկաստանի արեւելքում,
Օրիսսա նահանգում, վերջին մեկ օրում հինդուիստների կողմից թալանվել
եւ հրկիզվել են քրիստոնեական ութ գյուղական եկեղեցիներ:
Ինչպես հաղորդում է «Associated Press» գործակալությունը, վեց
տաճարներ տուժել են անմիջականորեն Ծննդյան տոնի գիշերը: Դեպքի
ժամանակ տեղ գտած զանգվածային ծեծկռտուքի ընթացքում զոհվել է մեկ
եւ մոտ 25 մարդ վիրավորվել: Իշխանություններն առայժմ որեւէ
հայտարարություն չեն արել բախումների վերաբերյալ, սակայն
հինդուիստների եւ քրիստոնեական փոքրամասնության դիմակայությունը
Հնդկաստանում տասնամյակների պատմություն ունի: