ՉԻՆԱՍՏԱՆԻ ԽՈՇՈՐ ԷԼԵԿՏՐԱԸՆԿԵՐՈՒԹՅԱՆ ՆԱԽԿԻՆ ՂԵԿԱՎԱՐԸ
ԿՈՌՈՒՊՑԻԱՅԻ ՄԵՂԱԴՐԱՆՔՈՎ ԴԱՏԱՊԱՐՏՎԵԼ Է ՄԱՀԱՊԱՏԺԻ
21-12-2007 15:50:00 | Չինաստան | Միջազգային
ՊԵԿԻՆ, 21 ԴԵԿՏԵՄԲԵՐԻ, ՆՈՅՅԱՆ ՏԱՊԱՆ: Չինական «Շանհայ
էլեկտրիկ գրուպ» խոշոր ընկերության տնօրենների խորհրդի նախկին
նախագահ Վան Չենմինը մահվան է դատապարտվել կոռուպցիայի
մեղադրանքով, հաղորդում է «Սինխուա» գործակալությունը:
Նա, ինչպես նաեւ իր երկու գործընկերները, մեղավոր են ճանաչվել
մոտ 40 մլն դոլարի անօրինական յուրացման համար Շանհայում հողի
օգտագործման իրավունքների բաշխման հետ կապված մեքենայությունների
արդյունքում: Իր նախկին գործընկերները` Յան Ցզինբաոն եւ Լու
Տյանմինը, արժանացել են համապատասխանաբար ցմահ պատժի եւ 15 տարվա
բանտարկության:
Նշվում է նաեւ, որ ընկերության նախկին ղեկավարին մահվան վճիռն
արձակվել է դատավճռի կատարման հետաձգմամբ: Սովորաբար դա
Չինաստանում նշանակում է, որ այն կփոխարինվի ցմահ բանտարկությամբ: