ՖՐԱՆՍԻԱՅԻ ԱՐԴԱՐԱԴԱՏՈՒԹՅԱՆ ՆԱԽԱՐԱՐԻ ԵՂԲԱՅՐԸ ԲԱՆՏԱՐԿՈՒԹՅԱՆ Է
ԴԱՏԱՊԱՐՏՎԵԼ Է ԹՄՐԱԴԵՂԵՐԻ ԱՌԵՎՏՐԻ ՀԱՄԱՐ
17-12-2007 20:32:00 | Ֆրանսիա | Միջազգային
ՓԱՐԻԶ, 17 ԴԵԿՏԵՄԲԵՐԻ, ՆՈՅՅԱՆ ՏԱՊԱՆ: Ֆրանսիայի
արդարադատության նախարար Ռաշիդա Դատիի հարազատ եղբայր Օմարին
Շալոն-սյուր-Սոն քաղաքի դատարանը դեկտեմբերի 17-ին դատապարտել է
ութ ամսվա բանտարկության թմրադեղերի առեւտրի համար, հաղորդում է
ԻՏԱՌ-ՏԱՍՍ-ը:
36-ամյա Օմար Դատիի համար սա առաջին մեղադրական դատավճիռը չէ.
2001 թվականին նա արդեն դատապարտվել էր 4-ամսյա բանտարկության
թմրավաճառության համար: 2005 թվականին նա խոստովանել է, որ երկու
տարում վաճառել է 5-6 հազար եվրոյի հերոին, որից հետո դատական
հսկողության տակ է հայտնվել երկրից չբացակայելու ստորագրությամբ:
Այս տարվա օգոստոսին Ֆրանսիայի արդարադատության նախարարի
մյուս եղբայրը` 34-ամյա Ժամալ Դատին, նույնպես դատապարտվել էր
տասներկու ամսվա բանտարկության թմրավաճառության համար: