ՆՅՈՒ ՅՈՐՔ, 13 ԴԵԿՏԵՄԲԵՐԻ, ՆՈՅՅԱՆ ՏԱՊԱՆ: Ռուսական պատվիրակությունը պաշտոնապես ՄԱԿ-ի Անվտանգության խորհրդի քննարկմանն է ներկայացրել Կոսովոյի վերաբերյալ հայտարարության նախագիծ: Այս մասին, ինչպես հաղորդում է ԻՏԱՌ-ՏԱՍՍ-ը, Խորհրդում կոնսուլտացիաների ավարտից հետո հայտարարել է ընթացիկ ամսին նրա նախագահ Մարսելլո Սպատաֆորան: «Կոնսուլտացիաների ընթացքում տվյալ հարցի վերաբերյալ ռուսական դիրքորոշման պարզաբանմամբ հանդես եկավ Ռուսաստանի մշտական ներկայացուցիչ Վիտալի Չուրկինը»,- նշել է նա: Խորհրդի անդամները կարծիքներ են փոխանակել առաջարկված նախագծի վերաբերյալ, սակայն լայն քննարկում չի եղել, ավելացրել է Սպատաֆորան: Նա հաստատել է նաեւ, որ Խորհուրդը ծրագրում է կոսովյան հարցը քննարկել դեկտեմբերի 19-ին:

---