ՍԵՐԳԵՅ ԼԱՎՐՈՎԸ ԵՄ-ԻՆ ՄԵՂԱԴՐԵԼ Է ՌԴ-Ի ՀԱՆԴԵՊ ԱՆՀԻՄՆ
ՊԱՀԱՆՋՆԵՐԻ ՄԵՋ
13-12-2007 18:10:00 | Ռուսաստան | Միջազգային
ՄՈՍԿՎԱ, 13 ԴԵԿՏԵՄԲԵՐԻ, ՆՈՅՅԱՆ ՏԱՊԱՆ: Ռուսաստանի ԱԳՆ ղեկավար
Սերգեյ Լավրովը «տարակուսանք է հայտնել ԵՄ Խորհրդի դեկտեմբերի 10-ի
«եզրակացությունների»` մարդու իրավունքների հարցերին նվիրված
առանձին դրույթների առնչությամբ, որոնցում Ռուսաստանի հասցեին
ներկայացվում է մերկապարանոց եւ իրական փաստերով չամրապնդված
պահանջների մի հավաքածու»: Այս մասին, ինչպես հաղորդում է
ԻՏԱՌ-ՏԱՍՍ-ը, հայտնել են Ռուսաստանի արտաքին քաղաքական
գերատեսչությունում Եվրոպական միության երկրների դեսպանների եւ
ՌԴ-ում ԵՄ Հանձնաժողովի ներկայացուցչության ղեկավարի հետ նախարարի
հանդիպման արդյունքների առնչությամբ:
«Նախարարը կոչ է արել ԵՄ-ին հեռու մնալ այն պրկտիկայից, որ չի
նպաստում անկեղծ երկխոսությանը եւ փոխշահավետ գործընկերությանը»,-
ընդգծել են ԱԳՆ-ում:
Հանդիպման ժամանակ նաեւ նշվել է, որ «ռուսական կողմից
շեշտադրվել է առկա տարաձայնությունների լուծման սուբստանտիվ,
չքաղաքականացված մոտեցման ամրագրման կարեւորությունը, Ռուսաստանի
եւ ԵՄ համատեղ դիրքերի մշակման մեխանիզմների ստեղծման
անհրաժեշտությունը»: