ԵՄ ԵՐԿՐՆԵՐԸ ՊԱՏՐԱՍՏ ԵՆ ՃԱՆԱՉԵԼ ԿՈՍՈՎՈՅԻ ԱՆԿԱԽՈՒԹՅՈՒՆՆ ԱՌԱՆՑ
ՄԱԿ-Ի ՈՐՈՇՄԱՆ
10-12-2007 17:19:00 | | Միջազգային
ԼՈՆԴՈՆ, 10 ԴԵԿՏԵՄԲԵՐԻ, ՆՈՅՅԱՆ ՏԱՊԱՆ: Եվրոմիության բոլոր
երկրները, բացառությամբ մեկի, պատրաստ են ճանաչել Կոսովոյի
անկախությունը առանց ՄԱԿ-ի համապատասխան հատուկ որոշման: Այս
մասին, ինչպես հաղորդում է ԻՏԱՌ-ՏԱՍՍ-ը, վկայակոչելով բրիտանական
«Սքայ» հեռուստաալիքը, Բրյուսելում ԵՄ արտգործնախարարների
դեկտեմբերի 10-ի նիստը սկսվելուց առաջ հայտարարել է Շվեդիայի ԱԳՆ
ղեկավար Կարլ Բիլդտը:
Դիվանագետը ձեռնպահ է մնացել ԵՄ այն պետությունը նշելուց, որը
ներկայումս հնարավորություն չի տեսնում դուրս բերելու Կոսովոյի
պետականության ճանաչման գործընթացը ՄԱԿ-ի իրավասությունից: Սակայն
«Ռոյթեր» գործակալությունը հրապարակել է Լյուքսեմբուրգի արտաքին
գործերի նախարար Ժան Ասսելբորնի այն խոսքը, որ Կիպրոսը «հսկայական
խնդիրների կբախվի» Կոսովոյի անկախության հնարավոր ճանաչմամբ: