ՄԱՀՄՈՒԴ ԱԲԲԱՍԸ ՄԵՐԺԵԼ Է ԺԱՄԱՆԱԿԱՎՈՐ ՍԱՀՄԱՆՆԵՐՈՎ ՊԱՂԵՍՏԻՆՅԱՆ
ՊԵՏՈՒԹՅՈՒՆ ՍՏԵՂԾԵԼՈՒ ԳԱՂԱՓԱՐԸ
07-12-2007 16:15:00 | | Միջազգային
ՌԱՄԱԼԼԱՀ, 7 ԴԵԿՏԵՄԲԵՐԻ, ՆՈՅՅԱՆ ՏԱՊԱՆ: Պաղեստինի
ինքնավարության նախագահ Մահմուդ Աբբասը մերժում է ժամանակավոր
սահմաններով պաղեստինյան պետության ստեղծելու գաղափարը, ինչպես դա
նախատեսում է «ճանապարհային քարտեզ» պլանի երկրորդ փուլը: Այս
մասին նա հայտարարել է Ռամալլահում խորհրդարանականների հետ
հանդիպման ժամանակ:
Աբբասը հայտնել է, որ այդ թեման արծարծվել է Աննապոլիսում
Մերձավոր Արեւելքին նվիրված միջազգային հանդիպման ընթացքում:
«Խոսակցություն եղավ ժամանակավոր սահմաններով պետության մասին,
սակայն մենք այդ գաղափարը մերժեցինք, քանի որ գործնականորեն դրանք
կդառնան վերջնական»,- ասել է Պաղեստինի ինքնավարության նախագահը:
Նա ընդգծել է նաեւ, որ չի պատրաստվում ճանաչել Իսրայելի Պետության
հրեական բնույթը, քանի որ «դա դավաճանություն կլինի այնտեղ ապրող
1,5 մլն պաղեստինցիների նկատմամբ»` նկատի ունենալով իսրայելյան
արաբներին: