ԻՍԼԱՄԱԲԱԴ, 29 ՆՈՅԵՄԲԵՐԻ, ՆՈՅՅԱՆ ՏԱՊԱՆ: Պակիստանի նախագահ
Փերվեզ Մուշարաֆը եւս 5 տարի կղեկավարի Պակիստանը: Նրա
երդմնատվության արարողությունը կայացել է Իսլամաբադի նախագահական
պալատում:
Չորեքշաբթի նա վայր էր դրել զինված ուժերի գլխավոր
հրամանատարի լիազորությունները եւ ազատվել զինվորական
ծառայությունից, ինչպես խոստացել էր մինչեւ նախագահական
ընտրությունները:
Նշվում է նաեւ, որ մեծ անկարգություններ են բռնկվել Պակիստանի
արեւելքում գտնվող Լահոր քաղաքում, որտեղ բախումներ են տեղի
ունեցել ոստիկանության աշխատակիցների եւ մոտ 200 իրավաբանների եւ
միջեւ: Վերջիններս իրենց բողոքի ձայնն են բարձրացրել ընդդեմ Փերվեզ
Մուշարաֆի: Ոստիկանները փակել են ցուցարարների ճանապարհը, որոնք
փորձում էին քաղաքային դատարանի մի շենքից անցնել դեպի մյուսը:
Ցուցարար իրավաբանները իրավակարգի պահապանների վրա են նետել
աղյուսներ, ապակե շշեր ու փայտեր` միաժամանակ վանկարկելով
«Հեռացիր, Մուշարաֆ» եւ «Մուշարաֆի ընկերները դավաճան են»: