ԵՐԵՎԱՆ, 26 ՆՈՅԵՄԲԵՐԻ, ՆՈՅՅԱՆ ՏԱՊԱՆ: Թուրքիայի Քեմեր քաղաքում շարունակվում է շախմատի աշխարհի պատանեկան առաջնությունը: 8 փուլից հետո Հայաստանի ներկայացուցիչներից 18 տարեկանների պայքարում Ավետիք Գրիգորյանը 6,5 միավորով բաժանում է 2-3-րդ տեղերը: 16 տարեկանների խմբում Ռոբերտ Հովհաննիսյանը 6 միավորով բաժանում է 4-11, իսկ 14 տարեկանների մեջ` Սամվել Տեր-Սահակյանը նույնքան միավորով` 6-14-րդ տեղերը: Նոյեմբերի 26-ին նշանակված են 9-րդ փուլի հանդիպումները, իսկ առաջնության ավարտին մնում է 3 փուլ:

---