ԵՐԵՎԱՆ, 23 ՆՈՅԵՄԲԵՐԻ, ՆՈՅՅԱՆ ՏԱՊԱՆ: Ռուսաստանի Խանտի-մանսիյսկ քաղաքում նոյեմբերի 24-ին կմեկնարկի «նոկաուտ» մրցակարգով աշխարհի գավաթի խաղարկությունը, որին կմասնակցեն 128 շախմատիստներ: Այդ մրցաշարում Հայաստանը կներկայացնեն աշխարհի ներկայիս գավաթակիր Լեւոն Արոնյանը, աշխարհի նախկին փոխչեմպիոն Վլադիմիր Հակոբյանը, մինչեւ 20 տարեկանների անցյալ տարվա աշխարհի չեմպիոն Զավեն Անդրիասյանը: Առաջնությունում հանդես կգա նաեւ ԱՄՆ-ի ներկայացուցիչ Վարուժան Հակոբյանը: Մրցաշարը կավարտվի դեկտեմբերի 18-ին:

---