ՏԻԳՐԱՆ ՊԵՏՐՈՍՅԱՆԻ ՀՈՒՇԱՄՐՑԱՇԱՐՈՒՄ ԱՌՋԵՎՈՒՄ ԵՐԵՔ
ՇԱԽՄԱՏԻՍՏՆԵՐ ԵՆ
23-11-2004 21:50:00 | Հայաստան | Սպորտ
ԵՐԵՎԱՆ, 23 ՆՈՅԵՄԲԵՐԻ, ՆՈՅՅԱՆ ՏԱՊԱՆ: Երեւանում ընթացող
Տիգրան Պետրոսյանի 75-ամյակին նվիրված շախմատի միջազգային բաց
մրցաշարի 5-րդ մրցափուլում կենտրոնականը ուկրաինացի 2
շախմատիստների` Վասիլի Իվանչուկի եւ Ալեքսանդր Արեշչենկոյի
հանդիպումն էր: Համաշխարհային օլիմպիադայի հաղթող, Եվրոպայի
չեմպիոն Իվանչուկը պարտության մատնեց իր երիտասարդ մրցակցին: Այժմ
Վասիլի Իվանչուկը, Զվիադ Իզորիան (Վրաստան) եւ Ալեքսանդր
Եվդոկիմովը, 5 հնարավորից վաստակելով 4,5-ական միավոր, գլխավորում
են մրցաշարային աղյուսակը: Նրանց հետեւում են 6 մասնակիցներ, որոնք
4-ական միավոր ունեն: Դրանց թվում են նաեւ Հայաստանի երկու
ներկայացուցիչներ` Աշոտ Անաստասյանը եւ Կարեն Ասրյանը, ու Վրաստանի
ներկայացուցիչ Դավիթ Հարությունյանը:
Հայաստանցի եւս մի քանի շախմատիստներ գտնվում են առաջատարների
խմբում: Մրցաշարի հերթական` 6-րդ մրցափուլը կանցկացվի նոյեմբերի
24-ին: