ԵՐԵՎԱՆՈՒՄ ԿԲԱՑՎԻ ԱՐԱ ԳՅՈՒԼԵՐԻ ԱՆՎԱՆ ԼՈՒՍԱՆԿԱՐՉԱԿԱՆ ԹԱՆԳԱՐԱՆ
18-08-2004 16:16:00 | Հայաստան | Մշակույթ
ԵՐԵՎԱՆ, 18 ՕԳՈՍՏՈՍԻ, ՆՈՅՅԱՆ ՏԱՊԱՆ: «Մեկ ազգ, մեկ մշակույթ»
համահայկական մշակութային առաջին փառատոնի շրջանակներում
Ճարտարապետության ազգային թանգարան-ինստիտուտում կազմակերպվել է
Հայաստանի, Թուրքիայի, Իրանի, Կանադայի եւ Լիբանանի հայ 24
ճարտարապետների նախագծած եւ կառուցած շենքերի յոթ տասնյակից ավելի
մանրակերտերի ցուցադրումը:
Նույն ցուցասրահում ներկայացված են նաեւ պոլսահայ ճանաչված
լուսանկարիչ Արա Գյուլերի վեց տասնյակից ավելի աշխատանքները:
Դրանցում առանձնանում են Վիլյամ Սարոյանի, Պաբլո Պիկասոյի,
Սալվադոր Դալիի ֆոտոդիմանկարները: Ինչպես նշեց թանգարան-ինստիտուտի
տնօրեն Աշոտ Գրիգորյանը, ներկայացված լուսանկարները կդառնան
Երեւանում բացվելիք Արա Գյուլերի անվան լուսանկարչական թանգարանի
առաջին ցուցանմուշները: