ՀԱՅԱՍՏԱՆԻ ՀԱՎԱՔԱԿԱՆԸ ՖԻՖԱ-Ի ԴԱՍԱԿԱՐԳՄԱՆ ՑՈՒՑԱԿՈՒՄ 112-ՐԴՆ Է
13-05-2004 16:24:00 | Հայաստան | Սպորտ
ԵՐԵՎԱՆ, 13 ՄԱՅԻՍԻ, ՆՈՅՅԱՆ ՏԱՊԱՆ: Ֆուտբոլի միջազգային
ֆեդերացիան (ՖԻՖԱ) հրապարակել է ազգային հավաքականների դասակարգման
մայիս ամսվա ցուցակը:
Այն շարունակում է գլխավորել Բրազիլիայի հավաքականը: Առաջին
տասնյակում տեղեր են գրավում նաեւ Ֆրանսիայի, Իսպանիայի,
Հոլանդիայի, Արգենտինայի, Մեքսիկայի, Թուրքիայի, ԱՄՆ-ի, Գերմանիայի
եւ Չեխիայի ընտրանիները:
Հայաստանի հավաքականը, Թուրքմենստանի հավաքականին հաղթելու
շնորհիվ, ՖԻՖԱ-ի ցուցակում բարձրացել է 2 աստիճանով եւ այժմ
112-րդն է:
Աշխարհի առաջնության ընտրական մրցումներում Հայաստանի թիմի
հետ նույն խմբում ընդգրկված հավաքականներն այսպիսի տեղեր են
զբաղեցնում. Իսպանիա` 3-րդ, Հոլանդիա` 4-րդ, Չեխիա` 10-րդ,
Ռումինիա` 23-րդ, Ֆինլանդիա` 42-րդ, Մակեդոնիա` 90-րդ, Անդորրա`
147-րդ: