ԵՐԵՎԱՆ, 10 ՄԱՅԻՍԻ, ՆՈՅՅԱՆ ՏԱՊԱՆ: Մայիսի 9-ին Երեւանի Վազգեն
Սարգսյանի անվան «Հանրապետական» մարզադաշտում տեղի ունեցավ
ֆուտբոլի Հայաստանի Անկախության գավաթի 13-րդ խաղարկության
եզրափակիչ հանդիպումը: Մրցեցին Երեւանի «Փյունիկ» եւ «Բանանց»
թիմերը:
Հանդիպման հիմնական եւ լրացուցիչ ժամանակներում կողմերից ոչ
մեկը հաջողության չհասավ` արձանագրվեց 0-0 հաշիվ: Լրացուցիչ
նշանակված 11 մետրանոց հարվածներն իրացնելիս ավելի դիպուկ գտնվեցին
«Փյունիկի» ֆուտբոլիստները, որոնք հաղթեցին 6-5 հաշվով եւ նվաճեց
Հայաստանի գավաթը: Սա թիմի նմանօրինակ արդեն 3-րդ հաջողությունն է.
«Փյունիկը» Անկախության գավաթը նվաճել է նաեւ 1996 եւ 2002
թվականներին:
Այս հաղթանակը նաեւ յուրօրինակ նվեր է թիմի գլխավոր մարզչին`
ռումինացի Միխայ Ստոյկիցային, որի ծննդյան 50-ամյակը նշվում է
մայիսի 10-ին: