ԵՐԵՎԱՆ, 7 ՄԱՅԻՍԻ, ՆՈՅՅԱՆ ՏԱՊԱՆ: Տիգրան Պետրոսյանի անվան
շախմատիստի կենտրոնական տանը մեկնարկել է Հայաստանի տղամարդկանց
64-րդ առաջնության առաջին խմբի մրցաշարը: Այն միաժամանակ Երեւանի
բաց առաջնության կարգավիճակ ունի: Այդպիսով, 43 շախմատիստներ
պայքարում են Երեւանի չեմպիոնի կոչման, ինչպես նաեւ երկրի
առաջնության բարձրագույն խմբի մրցաշարի 3 ուղեգրերի համար:
Մրցաշարի մասնակիցների թվում են Հայաստանի տարբեր քաղաքների ու
մարզերի, Արցախի եւ Իրանի ներկայացուցիչներ (Իրանից հանդես է գալիս
այդ երկրի ուժեղագույն հայ շախմատիստ Համլետ Թումանյանը):
Առաջին խմբի մրցաշարն անցկացվում է շվեյցարական խաղակարգով, 9
մրցափուլով եւ կավարտվի մայիսի 13-ին: Անցկացված 2 մրցափուլից հետո
առջեւում 7 մասնակիցներ են, որոնք 2-ական միավոր են վաստակել: Եվս
7 մասնակիցներ ունեն 1,5-ական միավոր: