Իսպանական «Բարսելոնայի» եւ հավաքականի հարձակվող Դավիդ Վիլյան կոչ է արել իր ակումբի ղեկավարությանը ձեռք բերել անգլիական «Արսենալի» ավագ Սեսկ Ֆաբրեգասին: Բարսելոնայի երիտասարդական հավաքականի նախկին ֆուտբոլիստը` Ֆաբրեգասը, հաճախ է ցանկություն հայտնել վերադառնալ այն ակումբը, որտեղ նա կայացել է որպես ֆուտբոլիստ: Վիլյան Ֆաբրեգասի հետ խաղում է Իսպանիայի ազգային հավաքականում եւ կարծում է, որ իսպանացի կիսապաշտպանն իրավունք ունի կրկին խաղալ նաեւ «Բարսելոնայի» կազմում: Նշվում է, որ «Արսենալի» գլխավոր մարզիչ Արսեն Վենգերը կհամաձայնի հրաժարվել իր թիմի թալիսմանից միայն 45 միլիոնի դիմաց:

---