ԵՐԵՎԱՆ, 3 ՄԱՅԻՍԻ, ՆՈՅՅԱՆ ՏԱՊԱՆ: Մայիսի 2-ից Հայաստանի մինչեւ 19 տարեկանների հավաքականը ուսումնամարզական հավաք է անցկացնում Երեւանում: Թիմը նախապատրաստվում է Եվրոպայի առաջնության երկրորդ ընտրական փուլի մրցաշարին: Ինչպես «ՆՈՅՅԱՆ ՏԱՊԱՆ»-ին հայտնեցին Հայաստանի ֆուտբոլի ֆեդերացիայի Մամուլի քարտուղարությունից, մրցաշարը կմեկնարկի մայիսի 19-ին Սլովակիայում: Ըստ նախնական ժամանակացույցի, Հայաստանի հավաքականն առաջին հանդիպումը կանցկացնի մայիսի 19-ին` Գերմանիայի հավաքականի հետ: Մայիսի 21-ին Հայաստանի հավաքականը կհանդիպի Սլովակիայի, իսկ մայիսի 23-ին Պորտուգալիայի հավաքականների հետ: ԱՅս հանդիպումները կկայանան Բրատիսլավայում:

---