ԵՐԵՎԱՆ, 28 ԱՊՐԻԼԻ, ՆՈՅՅԱՆ ՏԱՊԱՆ: 12 մարզիկներ մասնակցեցին
միջազգային (100 վանդականոց) շաշկու Հայաստանի առաջնությանը:
Առավել հաջող հանդես եկավ սպորտի վարպետ Վաչիկ Մուրադյանը,
որը 11 մրցափուլերում վաստակեց 17 միավոր (հաղթանակի համար
մասնակիցներին տրվում էր 2, ոչ-ոքիի` 1 միավոր) եւ գրավեց 1-ին
տեղը: Նորընծա չեմպիոնը առաջնության միակ մասնակիցն էր, որը ոչ մի
պարտություն չկրեց:
16-ական միավորով 2-3-րդ տեղերը բաժանեցին սպորտի վարպետ
Ռուբեն Խաչիկյանը եւ վարպետության թեկնածու Նշան Ալավերդյանը:
Ավելի բարձր լրացուցիչ ցուցանիշների շնորհիվ 2-րդ մրցանակակիր
դարձավ Ն.Ալավերդյանը: Հայաստանի բազմակի չեմպիոն Խաչիկյանն այս
անգամ բավարարվեց 3-րդ տեղով: