ԱՐՏԱՇԵՍ ՄԻՆԱՍՅԱՆԸ ՀԱՋՈՂ ՀԱՆԴԵՍ ԵԿԱՎ ԴՈՒԲԱՅԻ ՄՐՑԱՇԱՐՈՒՄ
28-04-2004 20:30:00 | Հայաստան | Սպորտ
ԵՐԵՎԱՆ, 28 ԱՊՐԻԼԻ, ՆՈՅՅԱՆ ՏԱՊԱՆ: Ավարտվեց Արաբական Միացյալ
Էմիրությունների Դուբայ քաղաքում անցկացված շախմատի խոշոր
միջազգային մրցաշարը` «Շեյխի գավաթ»-ի 6-րդ խաղարկությունը:
134 մասնակիցների թվում էին Հայաստանի 3 ներկայացուցիչներ`
գրոսմայստերներ Արտաշես Միանսյանը, Աշոտ Անաստասյանը եւ Կարեն
Ասրյանը: Հաջող հանդես եկավ Ա.Միանսյանը: Շվեյցարական խաղակարգով,
9 մրցափուլով անցկացված մրցաշարում չկրելով ոչ մի պարտություն` նա
վաստակեց 6,5 միավոր եւ բաժանեց 2-13-րդ տեղերը: Մրցաշարային
գործակիցներով Արտաշեսը ճանաչվեց 6-րդը:
Իրենց հնարավորություններից ցածր հանդես եկան Ա.Անաստասյանն
ու Կ.Ասրյանը, որոնք, համապատասխանաբար, վաստակեցին 5,5 եւ 5
միավոր:
7 միավորով մրցաշարի հաղթող դարձավ Շաքրիյար Մամեդյարովը
(Ադրբեջան):