ԵՐԵՎԱՆ, 27 ԱՊՐԻԼԻ, ՆՈՅՅԱՆ ՏԱՊԱՆ: Անցկացվեցին ֆուտբոլի Հայաստանի առաջնության բարձրագույն խմբի մրցաշարի 3-րդ մրցափուլի հանդիպումները: Երկրի չեմպիոն Երեւանի «Փյունիկը» Գյումրիում 1-0 հաշվով հաղթեց տեղի «Շիրակին» եւ 9 միավորով շարունակում է գլխավորել մրցաշարային աղյուսակը: Մյուս խաղերում գրանցվեցին այսպիսի արդյունքներ. «Բանանց» (Երեւան) - «Կլիկիա» (Երեւան)` 1-0, «Կոտայք» (Աբովյան) - «Միկա» (Աշտարակ)` 1-3, «Լեռնագործ-Արարատ» (Կապան) - «Դինամո-Զենիթ» (Երեւան)` 1-1: Առաջատարին` «Փյունիկին», հաջորդում են «Միկան» եւ «Բանանցը», որոնք, համապատասխանաբար, ունեն 6 եւ 5 միավոր: Հայաստանի առաջնության հերթական` 4-րդ մրցափուլի խաղերը կանցկացվեն մայիսի 3-ին:

---