ԸՄԲՇԱՄԱՐՏԻԿ ՄԱՐՏԻՆ ԲԵՐԲԵՐՅԱՆԸ ԴԱՐՁԱՎ ԵՎՐՈՊԱՅԻ ՉԵՄՊԻՈՆ
26-04-2004 18:44:00 | Հայաստան | Սպորտ
ԵՐԵՎԱՆ, 26 ԱՊՐԻԼԻ, ՆՈՅՅԱՆ ՏԱՊԱՆ: Թուրքիայի Անթալիա քաղաքում
անցկացված ազատ ոճի ըմբշամարտի Եվրոպայի առաջնությունում խոշոր
հաջողության հասավ երեւանցի Մարտին Բերբերյանը: Հանդես գալով 55 կգ
քաշային կարգում` նա շահեց իր բոլոր գոտեմարտերը, գրավեց 1-ին տեղն
ու նվաճեց Եվրոպայի չեմպիոնի կոչումը:
Մեդալ կարող էր նվաճել նաեւ վանաձորցի Ժիրայր Հովհաննիսյանը
(66 կգ քաշային կարգ), սակայն նա 3-րդ տեղի համար անցկացված
գոտեմարտը տանուլ տվեց:
Հայաստանի հավաքականի մյուս 3 անդամները` Սեւակ Բաղդյանը (60
կգ), Արա Գեւորգյանը (74 կգ) եւ Մամեդ Աղաեւը (84 կգ), տարան
1-ական հաղթանակ, կրեցին 1-ական պարտություն եւ նախնական փուլից
հետո դուրս մնացին հետագա պայքարից: