ԳՐՈՍՄԱՅՍՏԵՐ ԱՐՏԱՇԵՍ ՄԻՆԱՍՅԱՆԸ «ՇԵՅԽԻ ԳԱՎԱԹԻ» ԽԱՂԱՐԿՈՒԹՅԱՆ
ԱՌԱՋԱՏԱՐՆԵՐԻ ԹՎՈՒՄ Է
23-04-2004 18:05:00 | Հայաստան | Սպորտ
ԵՐԵՎԱՆ, 23 ԱՊՐԻԼԻ, ՆՈՅՅԱՆ ՏԱՊԱՆ: Արաբական Միացյալ
Էմիրություններում ընթանում է շախմատի միջազգային մրցաշար` «Շեյխի
գավաթի» խաղարկությունը: 6-րդ անգամ անցկացվող մրցաշարն այս անգամ
էլ ուժեղ կազմ է հավաքել. 127 մասնակիցներից 43-ը գրոսմայստերներ
են:
4 մրցափուլից հետո միանձնյա առաջատարը ռումինացի շախմատիստ
Լիվիու-Դիտեր Նիսիպեանուն է, որը 4 միավոր ունի:
Հայաստանը ներկայացնող 3 գրոսմայստերներից առավել հաջող է
հանդես գալիս Արտաշես Մինասյանը, որը 3,5 միավոր է վաստակել: Աշոտ
Անաստասյանն ու Կարեն Ասրյանը 2-ական միավոր ունեն:
Շվեյցարական խաղակարգով անցկացվող մրցաշարի ավարտին մնացել է
5 մրցափուլ: